Page 75 - GoldenesBuch

Zur Zweikampforden-Verleihung an Rt. Heinzl in der 2249.Sippung

Zum Zweikampf-Orden füa an Bayern
Mi dem Zweikampf-Orden hat ma mi letzmoi gehrt,
und den hab i a verdient, des war a net verkehrt,
denn i hab scho manchen Ritter zurechtgewiesen,
de se manchesmoi ganz greislich gehen liesen,
und des, des macht oafach koa brava Rittersmo,
weil se des koana vo uns Sassen leisten ko.
Drum ihr Freunde da bei uns im Reych,
hab i a den Orden kriagt, des sag i eich.
Und no oans sag i dazua - eich alle no,
legts eich blos in Zukunft mit mir net o,
denn des hat bis iatz no koana überlebt,
selbst wenn über manche sogar der UHU schwebt.
Ja - bis iatz hab i no alle niedergmacht,
füa mi ois Bayern is des net schwar, des war do glacht-
und soi's do no oaner - amoi ausprobieren,
werd der oans sicher - ganz schnell kapieren,
dass des - a riesengroßer Fehler waar,
wenn ma an Heinzl ärgert -, des is do klar.

Ungefähr jede 20.Sippung hab i an Zweikampf ghabt,
allerhand Reinigungsgebühr hab i da berappt,
mi reuts net, denn a Nutzen wars in jedem Fall,
entweder is da Ander gläutert oder ritt dann gen Ahall.
Und drum bin i fei net blos - a edler Rittersmann,
sondern da im Reych a no der Saubermann, dann und wann !
Glaubts ma's, streitsüchtig bin i eigentli net,
i bin blos oana, der ganz auf Anstand steht,
drum soi se daherinn jeder ritterlich benehma,
sonst lernt er mi vo meiner andern Seitn kenna.
Denn - werd i amoi zwider und no grantig auch,
dann schmeiß i eam glatt den Handschuh vor den Bauch,
denn füa so manche selbstgefällige Starallüren,
kriagt oaner dann glei mei Schwert zum spüren,
wo er dann elendlich in seim Blute liegt,
von mir, vom Ritter Heinzl, klar besiegt.
+++++++++++
Mein Großmuat - is im Uhuversum überoi bekannt,
ja so kennt mi jeder - in unserem Schlaraffen-Land,
und drum wui i des oiwei a mit unserm UHU hoiten -
bereut oana sei Untat, dann laß i a amoi Gnade woiten.

Und weil i do a ganz a bsunderer Bayer bin,
und deswegen a a ganz a gmüatlicher Sasse förderhin,
streit und kämpf i do - niamois net recht gern,
weil mim Schwerterrasseln tuat ma blos a Sippung störn -
und außerdem mag i daherinn am liabsten do mei Ruh,
deswegen sag i iatz zum Schluß a blos nur no LULU